Үмүтай Абдышева: "Ушунчалык жоопкерчиликсиз адамга турмушка чыкканыма өкүнөм"

"Эркекче" ток-шоусунун алимент жөнүндө кеп козголгон чыгарылышы көрүүчүлөрдүн назарына коюлду.

Ал эми берүүнүн жылдыздуу коногу, ырчы Үмүтай Абдышева өзүнүн башынан өткөн окуясын айтып берди. "Социалдык тармактагы баракчама алиментке тиешелүү суроолор боюнча күндө каттар келет. Балким, мени жалгыз бой эне деп кеңеш сурашат окшойт.

Жолдошум экөөбүз балабыз 8 айлык кезинде эки ажырым жолго түшкөнбүз. Ушунчалык жоопкерчиликсиз адамга турмушка чыкканыма аябай өкүнөм.

Мен алимент кестирүүнү эч качан каалаган эмесмин. Себеби бул нерсени намыс көргөм. Менин тапкан каражатым баламды багып алуу үчүн жетет дегем. Ал тараптан деле "алимент төлөйүн" деген демилге көтөрүлгөн эмес", - дейт ал.

Жеке турмушунан алынган мисал менен бөлүшкөн ырчы айым студиядагы эксперттерге бир топ суроолорун узатты.