Сургутта газ баллон жарылып, 10го жакын адам жабыркады. Арасында Кыргыз жарандары да бар

Орусиянын Сургут шаарында газ баллон жарылып, 10 чакты адам жабыркады. Жабыркагандардын арасында Кыргыз жарандары да бар. Бул тууралуу Тышкы иштер министрлигинин басма сөз кызматынан билдиришти.

Маалыматка ылайык, 15-декабрда жергиликтүү убакыт боюнча саат 18:00 чамасында Ханты-Мансийск автономиялык округунун Сургут шаарында техникалык тейлөө станциясында газ баллон жарылган.

Окуянын кесепетинен он адам жабыркаган. Алдын ала маалымат боюнча жарадар болгондордун арасында үч Кыргыз жараны бар. Алар: 1979-жылы туулган Э.Ж., 1981-жылы туулган К.Б., 1990-жылы туулган Х.Э. Алардын абалы орточо деп бааланууда. Алардын баары Сургуттун күйүк борборуна жаткырылган.

Жарылуу газ баллонунун басымынын төмөндөшү унаалар үчүн газ жабдууларын орнотуп жаткан учурда болгон. Жарылуудан улам имараттын чатыры кулап түшкөн.