Супер-Инфо
super.kg видео
Токтобүбү Оргалча аны "башка улуттун өкүлү, шпион" дегендерге жооп берди
"Альянс" партиясынан парламенттин депутаттыгына талапкер Токтобүбү Оргалча аны "башка улуттун өкүлү, шпион" деп атап, сындагандарга социалдык тармактагы баракчасы аркылуу жооп берди.
"Мени кытай, уйгур, шпион дегендер төмөнкү сүрөттү жакшылап көрүп алыңыздар.
Мен Токтобүбү Оргалча кызы 1972-жылдын 10-сентябрында Кытай Эл Республикасынын Кызыл-Суу кыргыз автономиялуу облусунун Акчий ооданында кызматчынын үй-бүлөсүндө туулгам. 1990-1995-жылдары Синьцзян медициналык университетинде жогорку билим алып, врач-кардиохирург кесибине ээ болгом. Андан соң 1995-жылдан 2012-жылдарга чейин Пекин медициналык университетинин аспирантурасында билим алуумду уланттым. Окуумду ийгиликтүү аяктагандан кийин 3 жылдай Кытайдын ири шаарларынын бири Гуанчжоуда ишкерлик менен алектендим. 2015-жылы ата-бабаларымдын тарыхый мекени болгон Кыргыз өлкөсүнө көчүп келип, үй-бүлөм менен негиздеген “Шыдыр Жол Кей Джи” ишканасында ушул убакытка чейин эмгектенип келе жатам.
Мен табиятыман искусствого жакын болуп чоңойдум. Бош убактыларымда ырдаганды жактырам. Айрыкча мекенди сүйүү ырларын өтө сүйүп угуп, аткаргым келет.
Жолдошум экөөбүз бир уул, бир кызды тарбиялап өстүрүп жатабыз", - деп жазган Оргалча.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
3:33
2025-07-23
2:45
2025-07-23
Рейтинг: 
2
2
Кандай болгондо да, шпион болуу учун улут маанилуу эмес.