34 миллион сомду мыйзамсыз пайдаланган делген ИИМдин кызматкери Исламбек Кенжекуловдун өмүр баяны

Кечээ, 20-декабрь күнү ИИМдин Ички аскерлеринин кол башчысы Исламбек Кенжекулов 33 миллион 946 миң сом өлчөмдөгү акчаны мыйзамсыз пайдаланган деген шек менен кармалган.

Өмүр баяны:

Кенжекулов Исламбек Абдирашитович 1968-жылы Ош облусунун Ноокат районундагы Кыргыз-Ата айылында туулган. 1995-жылы К.Скрябин атындагы Кыргыз айыл чарба институтун бүтүргөн. 2010-жылы Орусиянын Куралдуу күчтөрүнүн академиясын аяктаган.

Эмгек жолу:

- 1986-жылы - жоокер;

- 1997-1998-жылдары - ИИМдин Ички аскерлеринин автомобиль взводунун командири;

- 1998-1999-жылдары - ИИМдин Ички аскерлеринин рота командиринин орун басары;

- 1999-2000-жылдары - ИИМдин Ички аскерлеринин патрулдук ротасынын командири;

- 2000-2001-жылдары - ИИМдин Ички аскерлеринин кызмат боюнча командиринин орун басары;

- 2001-2002-жылдары - атайын багыттагы ротанын командири;

- 2002-жылы - атайын багыттагы отряддын командиринин биринчи орун басары;

- 2005-жылы - ИИМдин Ички аскерлеринин батальон командири;

- 2005-2006-жылдары - ИИМдин Ички аскерлеринин аскердик даярдык кызматынын улук офицери.

Кенжекулов ИИМдин Ички аскерлеринин кол башчысы кызматына 2019-жылдын мартында ошол кездеги премьер-министр Мухаммедкалый Абылгазиевдин буйругу менен дайындалган. Ага чейин Улуттук гвардиянын командиринин орун басары кызматын аркалап келген.