Акылбек Жапаров: "Жогорку Кеңеш ар кандай сындарга кабылдык, бирок иштедик"

Бүгүн, 22-декабрда Жогорку Кеңештин жыйынында министрлер кабинетинин төрагасы Акылбек Жапаров депутаттарга кайрылуу жасады.

"Ар кандай сындарга кабылдык, бирок иштедик. Баарыбыздын көз алдыбызда Кыргыз мамлекети өзгөрүлүп жатты. 6-чакырылышта биз бир жолу Конституцияга өзгөртүү киргиздик, бир жолу жаңы Баш мыйзам кабыл алдык. Үч президенттин тушунда иштедик. 9 өкмөттү кабыл алдык. 9 түрлүү программа менен иштедик. Миңден ашык мыйзам долбоорлорун өткөрдүк. Ошол эле маалда Жогорку Кеңештин тарыхый салтын бузган жокпуз. Талкуулар өтүп жатты. Биз жүрөгүбуз менен мыйзамдарды түнгө чейин калып кабыл алганга аракет кылдык. Ошондогу чарчаганыбыз эл үчүн болду. Мен сиздер менен иштегениме ыраазымын. Президент Садыр Жапаров коомдук абалда укуктук талаага кайтарып келүүдө бардык саясий маселелерди Жогорку Кеңеш аркылуу чечти", - дейт Акылбек Жапаров.