Тажик тарап күнөөлөрүн моюнуна алышты. Кыргыз-Тажик чек ара өкүлдөрүнүн жолугушуусу орун алды

Баткен жана Согди облустарынын чек ара өкүлдөрүнүн жолугушуусу өттү. Бул тууралуу президенттин Баткен облусундагы өкүлчүлүгүнөн билдиришти.

Маалыматка ылайык, жолугушууда тараптар окуянын хронологиясы жана анын орун алган жери көрсөтүлдү.

Жыйынтыгында:
1. Тажик тараптын өкүлдөрү күнөөлөрүн моюнуна алышты жана мындан ары курал колдонуулар кайталанбашы айтылып, тажик тараптан күнөөлүүлөр жоопко тартылуусу кыргыз өкүлдөрүнө билдирилди.

2. Кыргыз тараптан сунушталган биргелешкен териштирүүдөн тажик тарап баш тарткандыктан, эки тарап ар кимиси өз аймагында териштирүү жүргүзүп, жыйынтыгы тууралуу бири-бирин маалымдоо макулдашылды (Тажик тараптан териштирүүнү Аскердик прокуратурасы жүргүзүүдө).

3. Эки тараптан өздүк курам арасында түшүндүрүү иштерин жүргүзүүнү активдештирүү жана жакынкы кыска мөөнөттө чек ара заставалардын башчылары менен биргелешкен сабактарды уюштуруп өткөрүүнү макулдашты.

Маалымат үчүн:

Кечээ жолдо унаасын айдап бараткан Кыргыз жаранын (ред.: 1974-жылы туулган Б.Муталиев) тажик чек арачылары атып, качып кеткендиги тууралуу видео социалдык тармакка тараган. Андан соң окуянын чоо-жайы айтылган.