Супер-Инфо
super.kg видео
ЭЛДИК КАБАР: "Карапайым адамдын үйүнө мылтык менен кирген адамды кантип таппайт?" дейт базар-коргондук тургун
SUPER.KG порталынын "ЭЛДИК КАБАР" бөлүмүнө Жалал-Абад облусунун Базар-Коргон районунун Катар-Жаңгак айылынын тургуну кайрылды.
Окурмандын айтымында, белгисиз адамдар анын короосундагы итин атып кетишкен.
"Базар Коргон районунун Кызыл-Үңкүр айыл өкмөтүнүн Катар-Жаңгак айылында турабыз.
Үйүмө мыйзамсыз түн жарымда кирип, балдарымды коркот дебей каракчылык кылып итимди атышыптыр. Участкалык милицияга бергенбиз, жыйынтык жок.
Мындан он күн мурун дагы мылтыкчан адам жүрөт деп коркушуп участкалык милицияга чалышкан. Бир жолу дагы барып сураган эмес", - деди окурман.
Мындан тышкары окурман учурда Москва шаарында мигрант болуп жүргөнүн айтып, үй-бүлөсү үчүн тынсызданып жатканын кошчумчалады.
"Кудай сактасын, ок келинчегиме тийип калса эмне болмок?
Байлардын тоогун уурдаса бир күндө табышат да, карапайым адамдын үйүнө мыйзамсыз мылтык менен түн жарымда кирген адамды кантип таппайт?" - деди тургун.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |