Бишкек мэриясы майрамдык кечелердин ордуна кайрымдуулук иштерди жасады

Бишкек шаарынын мэриясы Жаңы жылдык корпоративдин ордуна кайрымдуулук кылуу чечимин кабыл алып, аны ишке ашырууда. Бул тууралуу шаар бийлигинин басма сөз кызматынан билдиришти.

Ага ылайык, майрамдык кечеге коротула турган каражаттарга төмөнкүдөй иштер аткарылган.

Капиталдык курулуш башкармалыгы «Коломто» муниципалдык мекемесине белек кылды. Администрациянын өтүнүчү боюнча тазалоо жана гигиеналык каражаттар, төшөнчүлөр үчүн кездемелер сатып алынды.

Коомдук-мамлекеттик капиталдык курулуш башкармалыгы «Элистан» балалык борборуна китеп сатып алуу үчүн 10 миң сомдук сертификат тапшырды.

Бишкек шаарынын мэриясынын Дене тарбия жана спорт башкармалыгы балдардын социалдык адаптациялоо борборуна килем жана телевизор белек кылды.

“Бишкек суу канал” башкармалыгы ден соолугунун мүмкүнчүлүгү чектелген жарандар үчүн шаардык көп тармактуу медициналык-социалдык реабилитациялык борборуна белектерди тапшырды. Борборго кир жуугуч жана чаң соргучтар берилип, балдарга жаңы жылдык таттуу белектер таратылган.