Мэрия унаа сүзүп каза болгон "Тазалыктын" кызматкеринин үй-бүлөсүнө 50 миң сом берет

Мэрия унаа сүзүп каза болгон "Тазалыктын" кызматкеринин үй-бүлөсүнө 50 миң сом берет. Бул тууралуу мэриянын басма сөз кызматынан билдиришти.

Маалыматка ылайык, мэр Айбек Жунушалиев “Тазалык” ишканасынын жумушчусу каза болгон жерге барып, дем алыш күндөрү борбордук көчөлөрдү тазалоого жумушчуларды болушунча азыраак чыгарып, атайын техниканы көбүрөөк тартуу тапшырмасын берген. Ошондой эле көчө тазалоо учурунда жолдорго атайын белгилерди коюп иштөө керектигин эскертип, жумушчулардын коопсуздугун камсыз кылуу боюнча сунуштарды иштеп чыгуу тапшырмасын берген. Ал эми каза болгон жумушчунун үй-бүлөсүнө резерв фондунан 50 миң сом бөлүп берүүнү тапшырган.

Эскерте кетсек, бүгүн таңга маал Шабдан баатыр көчөсүн тазалап жаткан “Тазалыктын” жумушчусун унаа сүзүп, ал ошол жерден каза болду.