Президенттик администрация "Асман" шаарын куруу боюнча дирекцияны Тимур Файзиев жетектей турганын ырастады

Ишкер Тимур Файзиев Ысык-Көлгө курулуучу экологиялык "Асман" шаарын куруу долбоорун жетектей турганын билдирген. Президенттик администрациядан маалыматты ырастап, Тимур Файзиев "Асман" мамлекеттик дирекциясынын башкы директору болуп дайындалган дешти.

"Министрлер кабинетинин төрагасы Акылбек Жапаров кол койгон буйрукка ылайык, Тимур Файзиев "Асман" экологиялык шаарын куруу боюнча мамлекеттик дирекциянын башкы директору болуп дайындалды", - дешти маалымат кызматынан.

Белгилей кетсек, 2022-жылдын жаз мезгилинде Ысык-Көл облусуна экологиялык "Асман" шаары курулары кабарланган. Аталган шаарды куруу долбоорун ишкер Тимур Файзиев жетектей турганын жазып чыккан.

Тимур Файзиев коррупцияга, Бишкек шаарында жер тилкелерин алууга жана мыйзамсыз курулуштарга катыштыгы бар деп шектелген. 2021-жылы 27-майда Биринчи Май райондук соту Тимур Файзиевге карата сырттан камакка алуу чечимин чыгарган.