Ошто Чил-Устун үңкүрүндө калган 4 адам куткарылды

Ошто аскада калган 4 адам куткарылды. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, кечээ, 5-январда Ош облусунун Араван районуна караштуу А.Анаров айыл аймагындагы 1100 метр бийиктиктеги Чил-Устун үңкүрүнө 4 киши чыгып, кайра түшө албай калганы кабарланган.

Куткаруучулар барган учурда 3 адам (1993-жылы туулан Т уулу К., 1993-жылы туулган А.Р., 1993-жылы туулган А.О.) өз алдынча түшүп, ал эми 1993-жылы туулган Т уулу Н. аттуу жаран үңкүрдөн чыга албай калган. Ал адамды куткаруучулар коопсуз жайга алып түшүп, туугандарына өткөрүп беришкен. Учурда абалдары туруктуу.