Казакстанда кармалгандардын арасында Кыргыз жарандары барбы? ТИМдин жообу

Казакстанда орун алган баш аламандыкта ИИМ тарабынан кармалгандардын арасында коңшу өлкөнүн жарандары да бар экендиги айтылды.

Бул боюнча Тышкы иштер министрлигинин маалымат кызматына байланышканыбызда, учурда тактоо иштери жүрүп жатканын билдиришти.

"Казакстанда орун алган окуяда кармалгандардын арасында Кырыз жарандары бар же жогу боюнча тактоо иштери жүрүп жатат", - деп билдиришти маалымат кызматынан.

Эске сала кетсек, Казакстанда нааразычылык акциялары бир нече күн мурун башталган. Жергиликтүү тургундар унаага куюлуучу газдын баасын арзандатууну талап кылып, өз шаарларынын көчөлөрүнө чыгышкан. Казакстанда жаңы жылдан кийин эле газдын баасынын литри 60 теңгеден 120 теңгеге чейин көтөрүлгөн.

Митингчилер республиканын биринчи президенти Нурсултан Назарбаевден саясаттан кетүүнү талап кылышкан. Казакстанда өзгөчө абал режими киргизилип, өлкөнүн өкмөтү отставкага кеткен.