Жалал-Абадда 50 жаштагы Бекболот Боронбаев дайынсыз болуп изделүүдө

Жалал-Абадда Бекболот Боронбаев дайынсыз болуп изделүүдө. Бул тууралуу Жалал-Абад ОИИБинен кабарлашты.

Маалыматка ылайык, Сузак районунун Кызыл-Сеңир айылынын 50 жаштагы тургуну Бекболот Боронбаев 2021-жылдын 29-декабрь күнү саат 10:00 чамасында үйүнөн чыгып кеткен бойдон дайынсыз болууда.

Учурда Боронбаев Бекболот Дубанакуловичтин жүргөн жерин аныктоого мүмкүнчүлүк болбой жаткандыгына байланыштуу туугандары жана милиция аны табууга коомчулуктан жардам сурайт.

Белгилери: Бою 165-170 сантиметр, өңү кара тору, кашы, көзү, чачы кара, арык дене түзүлүштө, сакалы бар, 2-топтогу майып.

Кийген кийимдери: Башында кара түстөгү шапка, үстүндө күрөң түстөгү күрмө, кара түстөгү шым, бутунда кара түстөгү маасы, көлөч болгон.

Бекболот Боронбаев тууралуу кандайдыр бир маалымат болсо төмөнкү номерлерге кабарлап койсоңуздар болот:

Тел.: 102,

(03748) 5 02 09,

0778 15 15 91,

0550 31 31 22.