Депутат Ноокаттагы өрт кырсыгынан жабыркаган үй-бүлөгө төраганын фондунан материалдык жардам көрсөтүүнү сунуштады

Депутат Өмүрбек Бакиров Ноокаттагы өрт кырсыгынан жабыркаган үй-бүлөгө төраганын фондунан материалдык жардам көрсөтүүнү сунуштады. Бул тууралуу ал "Парламент" радиосуна берген маегинде билдирди.

"Былтыркы жылдын 27-декабрында Ноокат районуна караштуу Көк-Жар айыл өкмөтүнүн аймагында болгон өрт кырсыгы бир бүлөдөгү 2 чоң жана 2 жаш баланын өмүрүнө балта чапты. Эч кимдин башына мындай абал түшпөсүн, ооруканаларда психолог адистердин зарылчылыгы бар. Ошондой эле ал алыскы аймактарда өрт өчүрүү кызматтардын техникалык жабдыктары жайында эместигин да эске алууга туура келет", - дейт ал.