Супер-Инфо
super.kg видео
Өлкөгө аз кубаттуу атомдук электр станциясын куруу пландалууда
Өлкөгө аз кубаттуу атомдук электр станциясын куруу пландалууда. Бул тууралуу Энергетика министрлигинин басма сөз кызматынан маалымдашты.
Маалыматка ылайык, 20-январда Экспо-2020 дүйнөлүк көргөзмөсүнүн алкагында өлкөнүн Энергетика министрлиги менен "Росатом" компаниясы энергетиканы өнүктүрүү тармагында кызматташуу боюнча меморандумга кол коюшту. Энергетика министрлиги менен Орусиянын мамлекеттик корпорациясынын ортосундагы кызматташуу жолдорун алдын ала талкуулоонун темаларынын бири аз кубаттуу атомдук электр станциясын биргелешип куруу мүмкүнчүлү каралды.
Белгилей кетсек, азыркы этапта кыргыз тарап РИТМ-200Н реактордук станциясынын базасында орусиялык ядролук окумуштуулардын келечектүү өнүгүүсүн изилдөөгө гана кызыкдар экенин билдирди.
Өлкө аймагында атомдук электр станциясын куруу чечими мыйзамда талап кылынган көп тараптуу экспертизанын бардык процесстерин, биринчи кезекте экологиялык коопсуздукту, техникалык-экономикалык негиздемени иштеп чыгууну жана бекитүүнү камтыган кыйла узак процесстен кийин гана кабыл алынышы мүмкүн. Жалпы элдик талкуулоо жана өлкөнүн мамлекеттик органдарында макулдашуунун бардык этаптарынан өтөт.
0
Дуйно жузу АЭСтерден баш тартууда. А булар АЭС курсак дейт. Болуптур, АЭС да курдунар дейли. Радиактивдуу отходдорун кайда алып барасынар ыя?! АЭС бекер курулат бекен? АЭС ордуна ГЭСтерди куруу керек. ГЭСтерди курууга ошончо потенциалыбыз боло туруп АЭС курабызбы? Акмактык эмеспи бул? Казактардай чолдо жашап ГЭС куруу мумкунчулугубуз болбосо бир жон эле.......