Ош облусундагы эпидемиологиялык кырдаал боюнча облустук штабдын жыйыны өттү

21-январда Ош облусундагы эпидемиологиялык кырдаал боюнча облустук штабдын жыйыны өткөрүлдү. Бул тууралуу президенттик администрациянын басма сөз кызматынан билдиришти.

Иш-чарага президенттин Ош облусундагы ыйгарым укуктуу өкүлүнүн орун басары Данияр Жаныкулов, райондук мамлекеттик администрация башчыларынын орун басарлары, Ош облусундагы саламаттыкты сактоо мекемелеринин жетекчилери жана штабдын мүчөлөрү катышты.

Отурумда COVID-19 илдетин жайылтпоо, алдын-алуу жарандарга түшүндүрүү иштерин жүргүзүү жана вакцинация боюнча маалыматтар берилди. Ошондой эле облус аймагындагы эпидемиологиялык кырдаалды көзөмөлдөө боюнча тиешелүү жетекчилерге тапшырмалар берилди.

Маалымат үчүн: Бүгүнкү күндө Ош облусунда 69 бейтап кызыл зонада дарыланып жатат. Облус боюнча COVID-19 илдетин алдын алуу жана болтурбоо максатында 670 керебет даярдалса, резервде 1246 керебет бар. Аталган илдетке кабылган бейтаптарды дарылоо үчүн дары-дармек, медициналык жабдыктар жана дарыгерлер жетиштүү.