"Болот Назаровду бошотконго чейин төгүп ырдайбыз". Акындар жана манасчылар Бишкек ШИИББдин алдына чогулушту

Милиция кызматкерлери тарабынан кармалган төкмө акын Болот Назаровду бошотуу талабы менен акындар жана манасчылар топтолушту. Алар Бишкек шаардык ички иштер башкы башкармалыгынын имаратынын алдына чогулушууда. "Айтыш" коомдук фондунун төрагасы Асылбек Маратов порталыбызга билдиргендей, учурда 30дай адам бар.

"Ички иштер министрлигинин алдына чыккандар тарадык. Азыр Бишкек ШИИББинин алдына Эл артисттери баш болуп 30дай адам чогулдук. Катарга кошулуучулар дагы бар. Биз Болот Назаровду бошотуп чыгармайынча төгүп ырдай беребиз", - деди ал.

Белгилей кетсек, кечээ, 22-январда Temirov Live иликтөөчү журналисттердин кеңсесинде милиция кызматкерлери жана бет капчан адамдар тарабынан тинтүү жүргүзүлүп, андан кийин журналист Болот Темировду укук коргоочулар кармап кетишкен. Андан кийин акын Болот Назаров дагы кармалганы кабарланган.