Акыркы аптада 17 миңден ашык жол эрежесин бузуу фактысы аныкталды

Жол кырсыктарынын жана жол эрежелерин одоно бузууларды алдын алуу максатында республиканын аймагында рейддик иш-чаралар өткөрүлүп жатат. Бул тууралуу республикалык жол кыймылынын коопсуздугун камсыздоо башкы башкармалыгынын басма сөз кызматынан билдиришти.

Маалыматка ылайык, акыркы аптада республикада 17 миң 761 жол эрежесин бузуу аныкталды.

Алардын ичинен:
- айдоочулар тарабынан ылдамдыкты чегинен ашырып айдоо - 1733;
- тиешелүү документтерсиз унаа каражаттарын башкаргандыгы үчүн - 198;
- техникалык кароонун эксплуатациялоонун эрежелерин бузуу – 6711;
- айдоочунун ыйгарым укуктуу органдардын кызматкерлеринин талаптарын аткарбагандыгы үчүн – 15;
- жөө жүрүүчүнүн жол эрежелерин бузгандыгы үчүн – 279;
- ТК түзүлүшүнө өзгөртүүлөрдү киргизүү – 144;
- жол белгилеринин талаптарын аткарбаганы үчүн –8005;
- айнектери караңгылатылган унааны башкаргандыгы үчүн - 40;
- мас абалында транспорт каражатын башкаргандыгы үчүн – 212;
- унаа токтотуучу жайга токтотулду – 840.

Ошондой эле аталган мекемеден бардык жол кыймылынын катышуучулары жол кыймылынын эрежелеринин талаптарын билүүгө жана аткарууга милдеттүү жана жолдогу тартип ар биринен башталарын унутпашы керектигин эскертет.