Мугалим окуучунун бутун сындырганы боюнча арыз тууралуу билим берүү министринин орун басарынын жообу

Билим берүү жана илим министринин орун басары Надира Жусупова Кара-Суу РИИБи мугалим окуучунун бутун сындырганы тууралуу арыз боюнча тергөө жүргүзүп жатканын айтты. Бул тууралуу ал бүгүн, 31-январда Жогорку Кеңештин комитет жыйынында билдирди.

"Биз эки тарапты тең уктук. Мугалим, мектептин директору окуя кокусунан болгонун айтып жатышат. 8-класстын окуучусу азырынча эч нерсе дебейт. Ата-энелер окуянын чындыгын белгилеп жатышат. Тергөөнүн жыйынтыгы менен гана жыйынтык чыгара алабыз”, - деди ал.

Кара-Сууда мектеп окуучусу мугалими бутун сындырганы боюнча арызданган.