Ырчы Анжелика Кипрден турак жай алды. "Эми 6 жыл айына минимум 1000 евро табышым керек" дейт ал

Ырчы Анжелика Кайратова Кипрден 6 жылдык мөөнөткө бөлүп төлөө менен турак жай сатып алды. Бул тууралуу ал SUPER.KG порталына берген маегинде билдирди.

"Үйдү кандай жол менен алдым? Менин иштегенимди көрүп, менин кызматыма алар кызыкканы үчүн эч кандай төлөмсүз бир батирди жазып беришти. Тагыраагы, 1000 доллар бердим, 6 жылга акчасын чачыратып салышты. Ошентип 2 жылдан кийин үй курулуп бүткөн соң мага беришет. Ал эми калган 4 жылдын акчасын төлөө үчүн батирди башка бирөөлөргө ижарага берсем, ал өзүн-өзү жаап калат. Бул нерсени айтыш биз үчүн кыйын. А эгерде чыгына келсек, оңой эле нерсе жана мага шыктануу берет. Себеби мен иштебей үйдө отуруп кала албайм. Демек келерки 6 жыл бою Анжелика ай сайын минимум 1000 евро табышы керек. Эгер таппай калса, ижарага берип коёт дагы, ал өзүн-өзү жабат деген нерсе", - дейт Анжелика Кайратова.