Кыргыз Улуттук "Манас Ордо" комплексине жаңы жетекчи дайындалды

Талас облусундагы Кыргыз улуттук “Манас Ордо” комплексинин директору болуп Дооронбеков Марат Дооронбекович дайындалды. Бул тууралуу Маданият, маалымат, спорт жана жаштар саясаты министрлигинен билдиришти.

Маалыматка ылайык, Дооронбеков Марат Дооронбекович 1971-жылы туулган. Жусуп Баласагын атындагы Кыргыз улуттук университетинин тарых адистигин аяктаган. Ал буга чейин мугалим, мектеп директору жана райондук билим берүү бөлүмүнүн башчысы болуп иштеген. 2008-2010-жылдары Бакай-Ата райондук кеңешинин депутаты болгон.

Белгилей кетсек, буга чейин аталган комплекстин директору Ормошбек Чоюнбаев болгон. Ал өткөн жылдын декабрь айында кызматынан алынган.