Өткөн аптада 96 айдоочу мас абалында унаа башкарган

Милициянын кайгуул кызматкерлери тарабынан бир жуманын ичинде 6 миң 334 жол эрежелерин бузуу фактылары аныкталды. Бул тууралуу аталган мекеменин басма сөз кызматынан маалымдашты.

Маалыматка ылайык, 28-январдан тартып 3-февралга чейин, 6 миң 334 жол эрежелерин бузуу фактылары аныкталды. Алардын ичинен:

• мас абалында унаа башкаруу - 96 айдоочу;
• унаанын алдыңкы жана каптал терезелерин караңгылатып айдоо - 11;
• айдоочулук күбөлүгү жок авто унаа башкаруу - 62;
• техникалык каражаттарды каттоо эрежесин бузуу - 156;
• унааны техникалык бузуулары менен башкаруу - 9;
• жөө жүргүнчүлөр жана велосипедчендер катышкан жол эрежелерин бузуулар - 215;
• башка жол эрежелерин бузуулар - 5785.