Дүйнөдө кайсы жаныбардын сүтү эң кымбат? Жаныбарлар тууралуу тесттен өтүңүз

Пилдер кургактагы сүт эмүүчү жаныбарлардын эң чоңу болуп эсептелет. Алардын бийиктиги 4 метр жана боюнун узундугу 7,5 метрге жетет. Салмагы 7 тоннага чейин болот. Индиялык жана африкалык пилдер жоголуп бараткан жаныбарлардын түрүнө киргендиги үчүн Кызыл китепке киргизилген. Алар кубаныч, кайгы жана ал тургай юмор сезимдерин көрсөтө алышат. Пилдер өз жакындарын көмүү каадасы бар жападан жалгыз жаныбар.

Балыктын эти жана деңиз азыктары ашказанда 45 мүнөттүн ичинде сиңирилет. Ал эми койдун, уйдун жана жылкынын эттерин ашказанда сиңирүү 5 саатты талап кылат. Демек, түнкүсүн майлуу балыктын бир бөлүгүн жеп жатсаңыз дагы уйкуңуздун тынчтыгына көзүңүз жетет. Омега-3 май кислоталары менен D витамини уйкунун сапатын жакшыртат.

Физиологдор келемиштердин мээсинде кытыгыга күлкү менен жооп бере турган бөлүкчөлөр бар экенин аныкташкан. Мындай жыйынтыкка Берлиндеги Гумбольд атындагы университетинин адистери келишкен. Алардын изилдөөсүндө келемиштердин курсагынан жана тамагынан кытыгылаганда алар күлгөн үн чыгарышкан. Албетте, бул ультра үндү адамдар уга алышпайт. Келемиштердин күлгөнүн атайын жабдыктардын жардамында угушкан.

Кээ бир пилдердин салмагы көк киттин тилинин салмагынан кичине. Алсак, көк кит дүйнөдөгү эң чоң жаныбар болуп эсептелет. Алардын салмагы 200 тоннага чейин жетет. Ал эми тилинин салмагы 4 тоннаны түзөт. Ал эми токой пилинин салмагы 2 тонна 700 килограммды түзөт. Мындан токой пилдеринин салмагы көк киттин тилинин өлчөмүнө салыштырмалуу кичине болот. Пилдер түркүмүнө карап 3кө бөлүнөт: Токой пилдери - салмагы 2 тонна 700 килограмм; Саванна пилдери - салмагы 6 тонна; Азият пилдери - салмагы 4 тонн

Көгүлтүр баштуу талассома балыгы жынысын алмаштыра алышат. Алар сууда топ-тобу менен жүрүшөт. Бир нече ургаачысын бир гана эркек балык коштоп жүрөт. Эркек талассомалар ургаачылардан башынын көктүгү менен айырмаланып турат. Эркек балыктын милдети - ургаачы балыктарды жырткычтардан коргоо, жем табуу. Бул милдет кооптуу болгондуктан эркек балыктар абдан көп өлүмгө дуушар болушат. Балыктын тобунун эркеги өлгөндөн кийин арасынан бир ургаачы жынысын алмаштырууга туура келет.

Японияда мышыктардын аралы бар. 19-кылымдын башында арал балык уулаган адамдардын арасында популярдуулукка ээ болгон. Бирок убакыт өтүп аралда жашаган адамдардын саны азайган. Ошол эле убакта аралда мышыктар өтө көбөйүп кеткен. Кызыгы аралдын тургундары жаныбарларды балык менен азыктандырышып, аларга боорукерлик менен мамиле кылышат. Бирок жашоочулар мышыктарды үйгө багышпайт. Мындан улам дээрлик бардык мышыктар жапайы.

Дүйнөдөгү эң кымбат сүт - чычкандын сүтү. Анын 1 литри 22 миң доллар турат. Мындай кымбат болушунун себеби андан сүт алуу процесси өтө татаал болгондугунан. 1 литр сүт алуу үчүн 4 миңге жакын чычкан керектелет. Мындай сүт көбүнчө медицина тармагында колдонулат. Чычкандын сүтүнүн курамынан жасалган фармакологиялык препараттар кандагы кан айлануу процессин жакшыртат.

Кенгурулар тең салмактуулукту жоготуп албоо үчүн артка секиришпейт. Алар тең салмактуулукту сактоодо жоон куйругун колдонот. Алардын куйругу, ошондой эле жоон буттары артка секире албашынын негизги себеби болуп эсептелет. Мындан тышкары кенгурулар саатына 60 чакырым ылдамдыкта чуркап, 3 метрге чейин секире алышат. Жаратылышта кенгурулардын 69 түрү бар. Эң чоң кенгуру - кызыл кенгуру. Анын салмагы 90 килограммга чейин болот

Табияттан эле сүт эмүүчү жаныбарлардын өзүнөн алсыздарга болгон жек көрүүсү күчтүү болот. Алар эмнегедир алсыздарды жок кылууга аракет кылып, жинденип турушат. Мисалы, карышкырлар ыңгайы келген кезде эле эч нерсеге карабастан сүлөөсүндү, түлкүнү, итти жана чөөнү мүмкүнчүлүккө жараша кол салышат. Иттердин мышыктарга болгон мамилеси ушул кастыктын мурасы болуп саналат.

Таң калычтуу бекен? Кызыгы, бегемот сүт менен кошо тер дагы бөлүп чыгарат. Көпчүлүгүбүзгө белгилүү болгондой, бегемот өтө терчил жаныбар. Негизинен бегемоттун сүтүнүн түсү кадимкидей эле ак болот. Болгону ал бөлүп чыгарган кызгылт майлуу зат тер менен сүткө кошулганда сүттүн түсү күлгүн болуп өзгөрөт.

Тыйын чычкандын кээ бирлери жылына миңдей дарак отургузат. Кантип дейсизби? Демейде алар жай-күз мезгилдеринде кышка кам көрүшүп, жаңгак, эмендин жана башка тыйын чычканга азык болчу мөмөлөрдү топтой башташат. Бирок унутчаактын айынан топтогон бардык жаңгагын кышкы азык катары колдоно албай калышат. Тагыраагы, алар азыгын көмгөн жерлерин унутуп, кайра таппай калышат. Көп учурда аны келемиш, чычкандар таап жешкени менен жер алдында калгандары да көп. Алар жаз алды менен көчөт болуп өнүп чыгышат.