Мадумаров: "Мага "чыккынчылык" беренеси менен иш козголду"

Депутат Адахан Мадумаров өзүнө карата “чыккынчылык” беренеси менен кылмыш иши козголгонун "Азаттыкка" билдирди.

Ал бул боюнча “жүз пайыз саясий иш” деп атады.

Бүгүн, 10-февралда депутат Адахан Мадумаровду жоопко тартуу боюнча башкы прокурордун сунушу тууралуу депутаттык комиссия түзүлдү.

Депутаттык комиссиянын курамына кимдер кирди?

• "Ата-Журт Кыргызстан" фракциясы Айбек Осмонов;
• "Бүтүн Кыргызстан" фракциясы Исхак Масалиев;
• "Ынтымак" фракциясы Мурадил Сыдыков;
• "Ишеним" фракциясы Бахридин Шабазов;
• "Ыйман Нуру" фракциясы Динара Ашимова;
• Элдик топтон Аманкан Кенжебаев;
• "Альянс" фракциясы Азамат Исраилов.