Бишкекте заманбап бий боюнча дүйнөлүк чемпиондуктун тандоо туру өтөт

Бийчи Жан Воинов Бишкекте заманбап бий боюнча дүйнөлүк чемпиондуктун тандоо турун өткөрүү боюнча эксклюзивдүү келишимге кол койду. Бул тууралуу жергиликтүү басылмаларга Майкл Бекмамбетов аттуу блогер билдирди.

Маалыматка ылайык, Кыргыз өлкөсү КМШ өлкөлөрүнүн эң күчтүү бийчилерин аныктап, алар Парижде өтө турган дүйнөлүк бий турнирине жолдомо алат.

"Бул өлкөбүздүн бий маданиятын өнүктүрүүдөгү чоң кадам. Кыргыз өлкөсү АКШ, Канада жана Германия менен бирге Парижде өтө турган Дүйнө чемпиондугуна катышуу укугу үчүн ат салышкан дүйнөнүн эң күчтүү бийчилери чогулган жерге айланат. Бул кабарга абдан кубанычтамын. Бул иш-чара Кыргыз өлкөсүнүн туристтик имиджине да оң таасирин тийгизип, келечекте дүйнөлүк деңгээлдеги масштабдуу иш-чараларды өткөрүүгө мүмкүндүк берет деп ишенем", - деп билдирген блогер Майкл Бекмамбетов.

Анын айтымында, бий боюнча дүйнө чемпионатынын тандоо туру 2022-жылы жай мезгилинде Бишкекте өтүп, ага Орусия, Казакстан жана КМШ өлкөлөрүнүн эң күчтүү бийчилери чогулат.