"Түндүк электр": "Эртеңден баштап карызы бар 2 миңден ашуун абоненттин жарыгы өчүрүлөт"

"Түндүк электр" ишканасы электр энергиясына карызы бар 2 миңден ашуун абоненттин жарыгын аралыктан өчүрөт. Бул тууралуу "Түндүк электр" ишканасынын басма сөз кызматынан билдиришти.

Маалыматка ылайык, карызы бар абоненттердин жарыгы эртең, 15-февралдан баштап аралыктан өчүрүлө баштайт.

"Ыңгайсыздыктарга кабылбаш үчүн акционердик коом абоненттерди электр энергияга болгон эсеп-кысапты өз маалында жүргүзүүгө чакырат", - деп айтылат маалыматта.

Айта кетсек, абоненттер электр энергиясына канча сом чыкканын, канча карызы бар экендиги тууралуу маалыматты "Түндүк электр" ААКсынын расмий сайтынан же күнү-түнү иштеген Call-борборунан (1209) алса болот.