Супер-Инфо
super.kg видео
"Ишибиз уланууда, күнүнө 5-6 операция жасап жатам". Сабырбек Жумабеков чуулгандуу окуядан кийин билдирүү жасады
Травматолог-ортопед Сабырбек Жумабеков Бишкек шаардык клиникалык Тез жардам ооруканасында (Травматология, ортопедия жана илим изилдөө борбору) ишин улантып жатат. Бул туурасында академик өзүнүн социалдык тармактагы баракчасына билдирүү калтырды.
"Сиздерге билдирип кетким келет, биздин жумушубуз кадимки режимде уланууда. Күн сайын 5-6 операция жасап жатам. Андан кийин бөлүмдөрдү кыдырып, 30-40 бейтапты кабыл алуудамын.
Белгилей кетсек, 4-февралда саламаттыкты сактоо министри Алымкадыр Бейшеналиев Травматология, ортопедия жана илим изилдөө борборун жоюп, директору Сабырбек Жумабековду кызматынан бошоткон. Анын ордуна шаардык клиникалык Тез жардам ооруканасы болуп кайра түзүлүп, ооруканага жаңы жетекчи дайындалган.
Андан соң министрдин орун басары аталган ооруканага барганда Сабырбек Жумабеков киргизе албай турганын айтып, Садыр Жапаровго кайрылуу жасап, президенттин гана чечимин күтөрүн айткан.
Кийинчерээк шаардык клиникалык Тез жардам ооруканасынын директорунун милдетин аткаруучу болуп Памир Муратов дайындалганы министрлик тарабынан кабарланган.
0
Сабырбек Жумабеков сизди бир эле кыргыз өлкөсү эмес бүтүндөй орто Азиянын күчтүү дарыгерисиз, жеке менчик клиника эле ачып алсаңыз жакшы болот эле,тиги жүн тиштеген чымчык менен таймашпай