Медет Садыркуловдун өлүмү: Айыпталуучу Санжар Сапарбеков суроого жооп берүүдөн баш тартты (видео)

Бүгүн, 21-февралда Аламүдүн райондук сотунда президенттик аппараттын мурдагы жетекчиси Медет Садыркуловду өлтүрүүгө шектелген Санжар Сапарбековдун соттук отуруму өтүүдө.

Анда "Сиз өзүңүздү күнөөлүүмүн деп эсептейсизби?" деп суроо берген Kaktus.Media сайтынын журналистине айыпталуучу Санжар Сапарбеков жооп берүүдөн баш тартты.

Анын жактоочусу Сапарбеков буга чейин соттун суроолоруна жооп бергендигин билдирип, соттун уруксатысыз сот залында видео тартууга болбой турганын белгиледи.

Медет Садыркулов 2007-жылдын 16-апрелинен 2009-жылдын 8-январына чейин президенттин администрация жетекчиси кызматында иштеп келген. 2009-жылдын 8-январында өз каалоосу менен отставкага кеткен. Ал эми 2009-жылы 13-мартта өлтүрүлгөн. Бул кылмышка шектелгендердин бири Рустам Сайдиев сыртынан соттолгон.