Эдил Байсалов ОшМУга барып бир катар маселелер менен таанышты

Министрлер кабинетинин төрагасынын орун басары Эдил Байсалов Ош мамлекеттик университетине барды. Бул тууралуу министрлер кабинетинин басма сөз кызматынан билдиришти.

Маалыматка ылайык, ал индустриалдык-педагогикалык колледждин алдынкы тажрыйбалар борборунун жана ОшМУнун медициналык клиникасынын иши менен таанышты.

Эдил Байсалов окуу жайдын жетишкендиктери менен таанышып, санариптик билим берүү чөйрөсү, ачык-айкындуулукту камсыздоо боюнча жүргүзүлуп жаткан иштер, академиялык мобилдүүлүк программалары тууралуу кеңири маалымат алды.

Андан соң министрлер кабинетинин төрагасынын орун басары Кызыл-Кыя шаардык социалдык камсыздоо башкармалыгына жана Үч-Коргон айылындагы жалпы дарыгерлер практикалык борборуна барды.

Эртең Эдил Байсалов Баткен облусунда өтүүчү министрлер кабинетинин көчмө жыйынына катышат.