Баткенде Ата Мекенди коргоочулар күнүндө милиция кызматкерлери сыйланды

Баткенде Ата Мекенди коргоочулар күнүндө милиция кызматкерлери сыйланды. Бул тууралуу Баткен ОИИБинин басма сөз кызматынан билдиришти.

Маалыматка ылайык, бүгүн, 23-февралда Ата Мекенди коргоо күнүнө карата Баткен ОИИБинин өздүк курамы сыйланды. Анда Баткен ОИИБинин жетекчиси Мурат Боронов өздүк курамды Мекен коргоочулар күнү менен куттуктап, ИИМдин сыйлыктарын тапшырды.

“Өлкөбүздө эрктүү, намыстуу, туруктуу мүнөздөгү жигиттерибиз көп болсо мамлекетибиз бекем болот. Жарандарыбыздын тынчтыгы үчүн мекен алдында ар дайым берген антыбызды бийик кармап, ак кызмат кылууга милдеттүүбүз” деп өздүк курамды куттуктап кетти.

Салтанаттуу иш-чарада кызматынан өзгөчөлөнгөн кызматкерлер ИИМдин медалдары, ардак грамоталары менен сыйланышып, кээ бир кызматкерлер кезектеги чиндерин алышты.