Супер-Инфо
super.kg видео
Украинадагы кырдаал. Элчи Киевден 100дөн ашык Кыргыз жараны Венгрияга чыгып кеткенин кабарлады
Украинадан эвакуацияланып жаткан Кыргыз жарандары Венгриянын чек арасына жетип, көзөмөл өткөрүү жайынан өтүп жатышат. Бул туурасында Кыргыз өлкөсүнүн Украинадагы элчиси Идрис Кадыркулов кабарлады.
Элчинин маалыматына ылайык, 112 Кыргыз жараны (анын экөө элчиликтин кызматкери) автобус менен Киевден чыгып, 20 сааттан кийин Украина-Венгрия чек арасына жетишти.
"Учурда мекендештер көзөмөл өткөрүү пунктунан өтүп жатышат. Венгриядан аларды Кыргыз өлкөсүнүн элчилигинин кызматкерлери тосуп алышат.
Белгилей кетсек, чек арадан өтүүдө кыйынчылыктар жаралды. Тагыраагы, айрым мекендештерибиз Украинада жүрүү мөөнөтүн (каттоосу жок жүргөнүнө 90 күндөн ашкан) сактаган эмес. Бул маселелер жеринде ыкчам чечилүүдө.
Ошондой эле Украина-Венгрия маршруту менен бара жаткан 3 Кыргыз жараны багытын өзгөртүүнү каалап, өз алдынча Польшага кетишти", - деди Идрис Кадыркулов.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
19:30
2025-07-21
Рейтинг: 
0
0
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.