Депутат автобустарды алууда элдин пикирин да угуу керектигин билдирди

Депутат Чыңгыз Ажыбаев автобустарды алууда элдин пикирин да угуу керектигин айтты. Бул тууралуу ал бүгүн, 2-мартта Жогорку Кеңештин жыйынында билдирди.

“Мыйзам долбоору коомдук талкууга чыгарылыш керек болчу. Анткени жакында эле алынган коомдук унаалар боюнча ден соолугунан мүмкүнчүлүгү чектелген жарандар нааразычылыгын билдирип, ыңгайсыз экенин айтып чыгышкан”, – деди.

Бишкек шаарынын мэриясынын өкүлү бардык жактардын пикири эске алынганын айтып, андай нааразычылыктар болбой турганын белгиледи.