Садыр Жапаров хоккей федерациясынын президенти Люк Тардивди "Достук" ордени менен сыйлады

Өлкө башчы Садыр Жапаров эл аралык хоккей федерациясынын президенти Люк Тардивди «Достук» ордени менен сыйлады. Бул тууралуу президенттик администрациянын маалымат кызматынан билдиришти.

Жолугушуу бүгүн, 3-мартта өттү. Анда мамлекет башчы ыраазычылыгын билдирип, эл аралык хоккей федерациясынын төртүнчү дивизиондогу биринчи дүйнөлүк чемпиондугун Кыргыз өлкөсүндө өткөрүү чечимин айтты.

“Хоккейге болгон кызыгуубузду сактап калганыбызга кубанычтамын. Мында мүңкүрөп отуруп калбай, республикада хоккейди жайылтууга жана биздин команданын эл аралык турнирлерге катышуусуна аракет кылган ышкыбоздордун да эмгеги бар”, - деп белгиледи президент.

Ошондой эле эл аралык хоккей федерациясынын президенти Кыргыз өлкөсүнө биринчи жолу келип жатканын, өлкөдөгү кышкы спорттун түрлөрүн, анын ичинде хоккейди өнүктүрүү үчүн бардык шарттар бар экенин баса белгиледи.

Жолугушуунун жүрүшүндө президент эл аралык хоккей федерациясынын президенти Тардиф Жозеф Пьер Люкту өлкөдө хоккейди өнүктүрүүгө, ошондой эле хоккей боюнча дүйнөлүк чемпиондукту уюштурууга кошкон зор салымы үчүн “Достук” ордени менен сыйлады.