Бишкекте эки адамды өлтүргөн 16 жаштагы бала кармалды

Буга чейин Свердлов РИИБи тарабынан Кылмыш-жаза кодексинин 97- “адам өлтүрүү” беренесине ылайык кылмыш иши козголуп, иликтөөлөр жүрүп жаткан. 

Маалыматка ылайык, борбордун Наманган көчөсүндө жайгашкан  үйлөрдүн биринен 46 жаштагы Г.Елена менен 41 жаштагы П.Виктордун сөөгү табылган. Окуя болгон күнү каза болгондордун үйүндө достору чогулуп спирт ичимдиктерин ичишкен. Кечинде чогулгандардын жарымы тарап, жарымы ошол үйдө түнөшкөн. Эртең менен баласы Г.Максим менен келини маркумдардын сөөгүн табышкан. 

Тергөө амалдарынын жүрүшүндө Чүй облусунун тургуну, 16 жаштагы Н.Данияр кармалды. Данияр каза болгон Г.Еленанын баласы менен достошуп, булардын үйүнө келип жүргөн. Кылмыш болгон күнү мас абалында Г.Виктор менен пикир келишпестик чыккан. Ал эл тараганда  уктап жаткан Г.Викторду бычактаган. Ызы-чуудан ойгонгон аялын да өлтүрүп, үйдөн чыгып кеткен. Азыркы тапта иликтөө иштери уланууда.