"Ак калпак кийгендерди кыргыз деп бил". Бишкекте Ак калпак күнүнө карата жөө жүрүш башталды

Бүгүн, 5-мартта Бишкек шаарында Ак калпак күнү белгиленүүдө. Майрамдык иш-чаранын алгачкы бөлүгүндө ак калпак жана улуттук кийимчендердин жөө жүрүшү орун алды. Анда катышуучулар Алиаскар Токтоналиев жана Апсамат Масалиев көчөлөрүнүн кесилишинен баштап, Ынтымак-2 сейил багынын күн чыгыш жээги менен бир айлануу жасашты.

Жөө жүрүшкө "Манас" театры, Куурчак театры, Жаш көрүүчүлөр театры, Кыргыз драма театры жана Чүй театры баштаган театр кызматкерлери, Кыргыз эл артисттери, Театралдык окуу жайлар, кино тармагынын өкүлдөрү, кол өнөрчүлөр, жогорку окуу жайлардын студенттери, мектеп окуучулары жана калаа тургундары катышты. Ошондой эле Чүй облусунун жана Бишкек шаарынын райондорунан да атайын топтор түзүлүп келген. Майрамдык иш-чаранын кийинки бөлүгү Ынтымак-2 сейил багында уланып, концерттик программа, салттуу кийимдер сынагы жана майрамга байланышкан мастер-класстар менен коштолот.

Белгилей кетсек, 5-март Ак калпак күнү деп 2011-жылы жарыяланган. Демилгенин автору режиссёр жана коомдук ишмер Ырысбек Жабиров. Ал эми аталган майрам өлкө аймактарында 2016-жылдан тарта масштабдуу түрдө белгилене баштаган.