Бишкекте ысырапкорчулукка каршы түшүндүрүү иштери жүргүзүлөт

Бишкекте ысырапкорчулукка каршы түшүндүрүү иштери жүргүзүлөт. Бул тууралуу борбор калаанын мэриясынын басма сөз кызматы билдирди.

Маалыматка ылайык, президент Садыр Жапаровдун «Кыргыз Республикасында үй-бүлөлүк салтанаттарды жана маркумду эскерүү үрп-адаттарын тартипке келтирүү боюнча чаралар жөнүндө» жарлыгын ишке ашыруу максатында, Бишкек шаарынын вице-мэри Виктория Мозгачева борбор калаанын райондук администрацияларынын жетекчилери менен кеңешме өткөрдү.

Жыйындын жүрүшүндө шаардыктар арасында түшүндүрүү иштерин жүргүзүү маселеси талкууланды.
Анда Бишкек шаарында үй-бүлөлүк салтанаттарды жана маркумду эскерүү үрп-адаттарын тартипке келтирүү боюнча чаралар жөнүндө жобону иштеп чыгуу боюнча ведомстволор аралык жумушчу топ түзүлөрү аныкталган.

Анын курамына дин өкүлдөрү, кызыкдар министрликтер жана ведомстволор, ошондой эле Бишкек шаардык кеңештин депутаттары кирет.