Коронавирустан 23 адам айыкса, ооруканада 133 бейтап калууда

Акыркы сутка ичинде республика боюнча COVID-19 жана пневмония илдетинен 23 бейтап айыгып, үйлөрүнө чыгарылды.

Бишкек шаары – 5;
Ош шаары – 3;
Чүй облусу – 6;
Ош облусу – 5;
Ысык-Көл облусу – 4.

Саламаттыкты сактоо министрлигинен кабарлашкандай, муну менен илдеттен айыккандардын жалпы саны өлкө боюнча 195 миң 873 болду.

Ал эми бүгүн, 14-мартка карата стационардык дарыланууда жалпы 133 бейтап, ал эми амбулатордук дарыланууда 184 бейтап бар.