Улан Ниязбеков кыргызстандыктарды, ички иштер органдарынын кызматкерлерин Нооруз майрамы менен куттуктады

Ички иштер министри Улан Ниязбеков кыргызстандыктарды, ички иштер органдарынын кызматкерлерин менен ардагерлерин Нооруз майрамы менен куттуктады.

"Урматтуу мекендештер! Ардактуу ички иштер органдарынын кызматкерлери жана ардагерлери! Күн менен түн теңелип, тирүүлүктүн жарчысы болгон Нооруз майрамы босогобузду аттады. Нооруз жаратмандыктын, жаңылануунун майрамы.

Жаңы жылдын башталышы Кыргызстан үчүн өнүгүүнүн жана ийгиликтин башаты болот деп терең ишенем. Нооруз майрамы мамлекетибизге молчулук, кут-береке тартууласын! Элибиз айдан аман, жылдан эсен болсун!

Бул күнү биз жакшылыктарга үмүт артып, бири-бирибизге аруу тилектерибизди арнайбыз. Ар бир үйгө кут конуп, элибизде ынтымак-ырашкерлик жылоолоп, жергебизге береке кирсин. Жаздын илеби менен келген Нооруз биздин жүрөгүбүздү кубанычка, жылуулукка, ишенимге жана турмуштук күч-кубатка толтура берсин!
Нооруз майрамы элибизге тынчтык, жергебизге береке чачып, бардыгыбызга жакшылыгын тартуулап, ар бирибиздин үй-бүлөбүзгө ынтымак, ырыскы, бекем ден соолук алып келсин! Нооруз майрамыңыздар кут болсун", - деп айтылат куттуктоодо.