Телеалпаруучу Айзада Жамгырчиева дагы бир кыялын орундатты

Телеалпаруучу, ырчы Айзада Жамгырчиева Орусияда билимин жогорулатып жүрөт. Ал орусиялык "Биринчи канал" телеканалынын кеңсесинде журналистика боюнча сабак алууда. Бул тууралуу Айзада айым социалдык тармактагы баракчасы аркылуу күйөрмандырынын суроосуна жооп берип жатып билдирди.

"Мен эми Останкин теле мунарасынын борборунда ("Биринчи каналдын" штаб квартирасы жайгашкан) окуп, иштей турган болом. Билим алып, жаңы илимге ээ болгонго эмне жетсин! Буюрса, кыялымды орундатып, дагы да кыргыз телевидениясы үчүн жаңы идеяларды үйрөнгөнү келдим", - дейт ал.

Ошондой эле Айзада Жамгырчиева Кыргызстандагы бут тосуулардан тажаганын белгилеп өттү.