Кой-Таш окуясы боюнча соттук отурум 30-мартка жылдырылды

Кой-Таш окуясы боюнча соттук отурум 30-мартка жылдырылды.

Сотко катышкандар судьядан бир катар жактоочулар жана соттолуучу Алмазбек Атамбаевдин келбей калгандыгына байланыштуу соттук процессти жылдырууну суранышты.

Ошондой эле мамлекеттик айыптоочу тараптын өтүнүчү менен Алмазбек Атамбаев катуу ооруп жаткандыгы боюнча медициналык корутундуну тактоо үчүн кезектеги соттук отурумга 47-колониянын башчысын жана дарыгер Алиевди чакыруу сунушталды.

Бүгүн, 23-мартта боло турган соттук отурумга Алмазбек Атамбаевди ич кийимчен алып келишкендиги кабарланган. Жыйынтыгында Атамбев унаадан түшпөй, ал кайра абакка жеткирилген.

Өз кезегинде, Атамбаевдин жактоочусу Замир Жоошев №47 колониянын башкы дарыгеринин корутундусун социалдык тармактагы баракчасына жарыялады. Анда Атамбаевдин жүрөгү менен омурткаларында көйгөйлөр бар деп жазылган.

Бул ооруларына байланыштуу экс-президентти абакта кармоого жана соттук отурумдарга катыштырууга болбой тургандыгы белгиленди.