Miss Supranational 2022 сынагына Кыргызстандын атынан 18 жаштагы Ширин Алайчиева катышат (фото)

Польшада өтө турган “Miss Supranational 2022” сынагына Кыргызстандын атынан 18 жаштагы Ширин Алайчиева катышат. Бул тууралуу улуттук сулуулар сынагынын дирекциясынан билдиришти.

Билдирүүгө ылайык, 2021-жылдын ноябрында "Мисс Кыргызстан-2021" сынагында Ширин Алайчиева "Кыргызстандын вице-мисси-2021" наамын жеңип алган.

Ширин Алайчиева Бишкек шаарында төрөлүп-өскөн. Мектепти аяктагандан кийин Ошко көчүп келип, ОшМУга тапшырган. Учурда медицина факультетинде жалпы медицина адистиги боюнча билим алууда. Диплом алгандан кийин аспирантурага тапшырууну көздөйт.

Ал бала кезинен гимнастикага жакын болуп, профессионалдуу түрдө балет менен машыгып, Кыргызстандын атынан эл аралык балет сынактарына барган.

"Miss Supranational 2022" сулуулук сынагы август айында Польшада өтөт.