Нарын дарыясына түшүп кеткен баланы издөө иштери бүгүн дагы уланат

Нарын дарыясына түшүп кеткен 8 жаштагы баланы издөө иштери бүгүн дагы уланат. Бул тууралуу Өзгөчө кырдаалдар министрлигинин басма сөз кызматынан билдиришти.

7-март күнү Орто-Нура айылында Нарын дарыясына 2013-жылы туулган Т.Т. аттуу бала түшүп кеткен. 4-апрель күнү издөө иштерин улантуу үчүн 7 куткаруучу жана жергиликтүү тургундардан 5 киши тартылып, саат 18:20да убактылуу токтотулду. Натыйжа болгон жок. Бүгүн, 5-апрель күнү улантылат.