Өлкөдөгү беш жогорку окуу жайга өзгөчө макам берилет

Өлкөдөгү беш жогорку окуу жайга өзгөчө макам берилет. Бул тууралуу Билим берүү жана жана илим министрлигинин басма сөз кызматынан маалымдашты.

Маалыматка ылайык, 4-апрелде өлкөнүн билим берүү жана илим министри Алмазбек Бейшеналиев И.Арабаев атындагы Кыргыз мамлекеттик университетинде республиканын жогорку окуу жайларынын ректорлору менен кеңешме өткөрдү.

Кеңешменин жүрүшүндө Бейшеналиев өлкөдөгү жогорку окуу жайлары 5 жылдык ишмердүүлүгүнүн жыйынтыгында Европа жана Борбордук Азия өлкөлөрүнүн жогорку окуу жайларынын рейтингинде алдыңкы орундарды ээлеши керек. Бул үчүн 5 университеттин өзгөчө статусу бекитилет, аларга экономикалык жана өндүрүштүк эркиндик берилет, ошондой эле алар стандарттарды, абитуриенттерди кабыл алуу эрежелерин өз алдынча бекитүү, филиалдарды жөнөкөйлөштүрүлгөн жол менен ачуу жана башкаруу системасын өз алдынча өзгөртүү мүмкүнчүлүктөрүнө ээ болорун билдирди. Ошону менен катар министр ресурстарды топтоо үчүн жогорку окуу жайларды ирилештирүү мерчемделип жатканын билдирди.