Бишкекте мечиттер текшерилип, айрымдарына айып пул салынды

Бишкектеги Биринчи Май райондук администрациясы диний мекемелерди толук кандуу текшерүүнү жүргүздү. Бул тууралуу шаардык мэриядан билдиришти.

Текшерүүнүн жүрүшүндө 11 мечитте укук белгилөөчү документтердин болушу, санитардык-гигиеналык ченемдердин жана эрежелердин сакталышы текшерилди.

Мындан сыткары Орозо айында таравих намазы жана жума намаздары күндөрүндө бет кап режими жана социалдык аралыктын сакталышы текшерилди.

Бишкек шаарынын мамлекеттик санитардык-эпидемиологиялык борбору тарабынан 4 жазуу түрүндө эскертүү берилип, 5000 сом өлчөмүндө айып салуу менен 3 протокол түзүлдү.

Белгилей кетсек, Биринчи Май районунун аймагында 55 диний уюм жана конфессия катталган, анын ичинен 11 мечит, 22 намазкана, 2 медресе, 2 иегова жамааты, 18 диний объект бар.