Алымкадыр Бейшеналиев: "Эрнст Акрамов "лопух" дегениме сүйүндү, аны башка сөздөр менен сөксөм да таарынбайт болчу"

Саламаттыкты сактоо министри Алымкадыр Бейшеналиев бир кезде "лопух" деп айткан хирург Эрнст Акрамов менен кол алышып сүрөткө түштү. Мындан улам SUPER.KG порталы министрге байланышса төмөндөгүлөрдү айтты.

"Мен эч качан кечирим сурабайм да. Ал менден кечирим сурады. Биз элдешкидей ал экөөбүз урушкан деле эмеспиз. Акрамов менен 3 жыл чогуу иштегенбиз, ал бөлүмдүн башчысы болгон. Ал мени жаш кезимде жаман сөздөр менен тилдечү. Анан мен аны азыр "лопух" дедим. Ал "мени да жаман сөздөр менен тилдейсиң го деп ойлоп жүргөм, "лопух" деп туура айттың дейт. Ошол кезде бизди Акрамов маймылга окшоштуруп тилдечү. Башкалар башын ылдый салып жүрчү, мен эле буга жооп кайтаргам. Анан мени жумуштан кетирип жиберген. Ошондо мен ага бир күнү чоң болгондо сени айдайм деп айткам. Азыр ал "лопух" дегенге сүйүндү, аны башка сөздөр менен сөксөм да таарынбайт болчу. Бул мени мурда кыйнагандай кылып айдап чыксам ал мага рахмат айтмак. Кой эми улуу киши деп кечиримдүү болдум", - дейт Бейшеналиев.