Бишкекте мыйзамсыз түрдө куралдан ок чыгарууга айыпталып УМККнын кызматкерлери кармалды

Бишкек шаарында мыйзамсыз түрдө куралдан ок чыгаргандыгына байланыштуу УМККнын кызматкерлери кармалды. Белгилүү болгондой, 7-декабрда саат 22:00 чамасында Октябрь РИИБне 12-кичи райондо жайгашкан №8-үйдүн жанынан ок атылганы тууралуу арыз түшкөн. Окуя болгон жерге ыкчам иликтөө тобу жетип келип, Улуттук мамлекеттик коопсуздук кызматынын 2 кызматкерин кармашкан. Алардын биринен SТRЕАМЕR-1014 үлгүсүндөгү травматикалык тапанча 4 огу менен алынган. Кармалган жарандар көрсөтмө берүүдөн баш тартууда, бул факт боюнча иликтөө иштери жүрүүдө.