Казакстанга кайсы өткөрмө бекеттер аркылуу өтүүгө болот? Чек ара кызматы билдирүү таратты

Чек ара кызматы 2022-жылдын 11-апрелинде саат 00:00дөн тарта Кыргыз Республикасынын жарандары мамлекеттик чек арадан “Ак-Жол авто жол” өткөрүү пункту аркылуу эч кандай тоскоолдуксуз өтө баштаганын билдирди.

"Кыргыз Республикасынын жарандары кыргыз-казак мамлекеттик чек арасынан “Чалдыбар”, “Ак-Жол”, “Кең-Булуң” жана “Токмок” өткөрүү пункттары аркылуу өтө алышат. Бош унаалар чек арадан "Кең-Булуң" өткөрмө пункту аркылуу өтө алат. Чек арадан өтүүдө Кыргыз Республикасынын жана чет өлкөнүн жарандары акыркы 72 сааттын ичинде өткөн ПЦР-тесттин сертификаты же 6 айдан ашпаган мөөнөткө эмдөө күбөлүгүн көрсөтүшү керек", - деп жазылат маалыматта.

Ал эми Казакстандын чек арасы аркылуу Орусияга кирүү үчүн Кыргыз жарандары Орусиянын элчилигинен кирүү маселеси боюнча маалымат алышы керек.