Баткен жана Согди облустарынын милиция кызматкерлери биргелешкен кайгуул иштерин жүргүзүүдө

Баткен ОИИБинин жана Согди ОИИБинин кызматкерлери чек арага чектеш айылдарда биргелешкен кайгуул иштерин жүргүзүүдө. Бул тууралуу облустук милициядан билдиришти.

Билдирүүгө ылайык, алар Лейлек районунун Максат, Арка-2, Жаштык, Борбордук, Достук айылдарында жана Согди облусунун Б.Расулов районуна чектеш аймакта биргелешкен кайгуул иштерин өткөрүп жатат.

Ошондой эле Жаңы-Жер айыл аймагына караштуу Арка-2, Жаштык, Борбордук, Достук айылдарында, Кулунду айыл аймагына караштуу Максат айылдарында жергиликтүү элдин коопсуздугун камсыздоо максатында күнү-түнү кайгуул посттору коюлуп, түшүндүрүү иштери өтүүдө.

Баткен ОИИБи боюнча Жол кыймылынын коопсуздугун камсыздоо башкармалыгынын кызматкерлери жеринде жол кыймылынын коопсуздугун, унаалардын үзгүлтүксүз каттамын камсыздоодо.

Учурда Кыргыз-Тажик чектешкен аймакта абал туруктуу.