Садыр Жапаров Тажикстан менен 664 чакырым жер тилкеси такталганын билдирди

Президент Садыр Жапаров Фейсбуктагы расмий баракчасына Тажикстан менен чек ара тилкесин такташуу иштери жүрүп жатканын жазды. Анда, чек араны тактоо иштери жай жүрүп жатканы айтылат.

"Кыргызстан менен Тажикстандын ортосунда жалпысынан 972 чакырым чек ара тилкеси бар. Анын 664 чакырым тилкесин такташып бүттүк. 308 чакырым калды. Албетте, иштер тез жүрүп, баарын эртерээк такташып алсак жакшы болмок. Бирок менин көз карашымда иштер жай жүрүп жатат. Себеби бир топ тилкелерде талаштуу жерлер калды. Эң негизгиси тынчтык болсо баарын эки тараптуу кызыкчылыкты эске алуу менен чечишип алабыз", - деп жазылат билдирүүдө.