Түндө Бишкекте Мерседес жаш кызды сүзүп кеткен жол кырсыгынын чоо-жайы

Түндө Бишкекте Мерседес үлгүсүндөгү унаа жөө адамдар өтүүчү өтмөктөн кызды сүзүп кеткендиги боюнча видео тараган. Ал видео боюнча милициянын кайгуул кызматы билдирүү таратты.

Ага ылайык, 26-апрель күнү болжол менен саат 23:00 чамасында 1995-жылы туулган М.Ф. аттуу айдоочу Мерседес-Бенц унаасы менен Жукеев-Пудовкин көчөсүнөн түштүк багытка бара жатып, жөө адамдар өтүүчү өтмөктөн өтүп бара жаткан 2002-жылы туулган Т.А аттуу кызды сүзүп алган.

"Жөө жүргүнчү ооруканага жеткирилди. Унаа айып короосуна токтотулуп, учурда жол кырсыгынын келип чыгуу себептери такталууда", - деп айтылат маалыматта.